العودة   الملتقى التربوي > جديد الساحة > جديد الأحداث على الساحة > أول تسجيل لمبارك من سجنه.. يعبر عن رأيه في الأوضاع بمصر "والله أنا زعلان" و تنحيت حفاظا على الأرواح


إضافة رد
 
أدوات الموضوع انواع عرض الموضوع
  #1    
قديم 06-19-2013, 10:29 AM
الصورة الرمزية وائل قشطة
وائل قشطة
+قلم دائم الاحتراف+
 
 
الانتساب: 12 - 6 - 2010
الإقامة: فلسطين أرض المجد
المشاركات: 11,296
معدل تقييم المستوى: 19
وائل قشطة has a spectacular aura about

  إدراج رابط بريد إلكتروني  مراسلة  ناشـر الموضـوع

 




نشرت صحيفة "الوطن" المصرية في عددها اليوم الأربعاء، كما في موقعها الألكتروني، القسم الأول من تصريحات خاصة للرئيس المتنحي حسنى مبارك مسجلة على أشرطة من داخل مستشفى طرة، وهي أول تسجيلات تُنشر بصوته منذ تنحيه بعد ثورة يناير/كانون الثاني 2011 حتى الان، فيما ستنشر القسم الثاني يوم الخميس، وهي مقابلة على مراحل قام بها "مصدر" تحفظت على اسمه، وهو مقرب من مبارك.

"المصدر" في التسجيلات الصوتية يسأل مبارك عن رأيه بما يحدث الآن في مصر، وحالة الغضب الشعبي والمظاهرات الفئوية والانفلات الأمني والأزمة الاقتصادية، فيجيبه: "والله.. أنا زعلان" ثم صمت قليلاً، لكن "المصدر" قطع صمته وسأله: "بخبرتك الدولية وتجاربك الطويلة شايف وضع الأخوان المسلمين مع الناس ازاي" ؟ أجاب مبارك: "همه اللي اختاروهم" ولم يزد كلمة واحدة. ضغوط أميركية مستمرة طلبا لقواعد في مصر يسأله "المصدر" عن دور الولايات المتحدة الأميركية واسرائيل بما يحدث حاليا في مصر والمنطقة العربية، فيجيب مبارك: "كل ما يهم أمريكا هو ضمان أمن اسرائيل في الأساس، وطول عمرهم بيحاولوا يضغطوا علي العرب من أجل هذا الهدف، وأنا لم أزر اسرائيل طوال فترة حكمي غير مرة واحدة فقط، في عزاء اسحق رابين. كان الراجل ده ماشي بعملية السلام، واعطانا قطاع غزه بالكامل، علشان كده الاسرائيليين قتلوه.. لما رُحت في العزاء، قالوا لي خلليك تبات معانا، فرفضت ورجعت القاهره فوراً".

يمضي مبارك ويقول، وكله طبقا لما نسمعه في التسجيلات: "أمريكا طول عمرها كانت بتضغط علينا للحصول على قواعد عسكرية في مصر، وكنت أرفض دائماً، ومرة جاءني أبوغزالة (عبد الحليم أبوغزالة وزير الدفاع الراحل) وقال لي ان الأمريكان طلبوا يعملوا قاعدة عندنا وأنا وافقت، فرددت عليه: انت مالكش سلطة توافق ولا أنا كمان، دي مش ملكك ولا ملكي انا كمان".

يتابع: "وكنت رايح أمريكا في زيارة رسمية والتقيت وزير الدفاع الأمريكي وقال لي ان أبوغزالة وافق علي القاعدة العسكرية، فقلت له الدستور المصري لا يسمح بذلك لا لأبوغزالة ولا لي شخصياً. هذا الأمر يحتاج موافقة البرلمان المصري، وحتي لو وافق البرلمان لازم استفتاء شعبي، وقفلت الموضوع عليهم.. طلبوا أكثر من مرة قواعد في غرب القاهرة وبرج العرب.. كانوا عايزين قواعد بأي تمن".

"كفاية الجيزة وزحلقهم بهدوء كده" يصمت مبارك لحظات ويضيف ضاحكاً: ".. يا ولاد" ثم يواصل حديثه عن الولايات المتحدة: "في الآخر كانوا عايزين يعملوا لنا شبكة ألكترونية للقوات المسلحة. طبعاً علشان الشاشة تكون في اسرائيل وأمريكا. قلت لوزير الدفاع "زحلقهم" مفيش حاجة من دي هتحصل أبداً. رجعوا تاني وكانوا عايزين يوصّلوا كل سنترالات القاهرة بسنترال رمسيس، واتفقوا مع وزير الإتصالات".

يتابع حديثه عن الموضوع نفسه ويقول: عرفت الموضوع من القوات المسلحة، وعرفت أن هذا المشروع معناه أن الأمريكان يقدروا يصيبوا الاتصالات في مصر كلها بالشلل، يعني لما يتوقف سنترال رمسيس، تتوقف كل الاتصالات في مصر. جبت وزير الاتصالات وقلت له: معنى ذلك انك علشان تطلب أي مكالمة لازم تعدي المكالمة على سنترال رمسيس، فقال لي وزير الاتصالات ان الأمريكان هيعملوا ده ببلاش. فقلت: أوعى توافق، فأجاب: بس همه وصّلوا الجيزة خلاص بسنترال رمسيس فقلت: كفاية الجيزة وزحلقهم بهدوء كده، وفعلاً زحلقناهم".

يواصل مبارك: "في 2006 أو 2007 جاء الأمريكان وطلبوا تردد FM للقاهرة الكبري. ذهبوا الى وزير الاعلام، فقال لهم: "القانون لا يسمح" فجاءني السفير الأمريكي وقال: "اديني تردد الـfm لأنهم في واشنطن حاجزين 270 مليون دولار عن المعونة لمصر بسبب الموضوع ده" فقلت له: "خليهم عندكم.. مش عايزينهم.. لا.. خليهم متجمدين" ورفضت.. وبعدها بـ 15 يوم أرسلوا الـ 270 مليون دولار.. طبعا كانوا عايزين تردد الـFM علشان التجسس ومراقبة كل شيء.

مبارك كان سيتنحى بعد وفاة حفيده مداخلة من صحيفة "الوطن" في النص المنشور: يبدو مبارك بحسب وصف "المصدر" هادئا زاهدا. ويُرجع "المصدر" الذي يجلس معه كثيراً في مستشفي السجن هذه الحالة الى ما حدث له ومعه خلال السنوات الأخيرة، اذ يؤكد أن وفاة حفيده محمد علاء كانت نقطة تحول فاصلة في حياته، وكلما سأله عن احساسه وتقديره لما يحدث له ولأسرته يجيب بكلمه واحدة: "دنيا".

وحين سأله عن هذه الحالة قال: "والله بعد موت حفيدي محمد كنت عايز أتنحى. كنت عايز أمشي. هم دلوقتي عايزين يبهدلوني، من المستشفي للسجن للمحكمة. فاكرين انهم بيذلوني.. لا. أنا في حياتي شفت أكتر من كده بكتير.. حاربت، واحنا في الجيش بنتعب كتير في حياتنا واتعودنا على الشقا. أنا ببساطة الآن عايش ومش خايف. ربنا هو العالم بكل شيء. على فكرة أنا اتخذت قرار التنحي بنفسي ولم يضغط عليّ أحد، وكان ممكن استمر في الحكم، لكني قررت التنحي حفاظاً على أرواح الناس وعدم اراقة الدماء".

يسأله المصدر: "ماذا حدث بالضبط في أيام يناير" ؟ يجيب مبارك: "والله. أنا ما بحبش أتكلم في الموضوع ده.. المسألة خلاص مرّت". يسأله: "طيب هل الاخوان دول هيمشوا، ولا هيكمّلوا" ؟ يصمت مبارك قليلاً ويقول: "والله.. والله.. مش عارف". يسأله: "البعض قال انك تلقيت نصائح باقالة المشير طنطاوي في يناير 2011 لانقاذ الموقف والنظام". يجيب: "شوف.. لو كنت أقلته ايامها كانوا قالوا عليه بطل. كانت الناس هتقول اني طلبت منه انه يضرب الناس بالسلاح وهو رفض. لازم الأمور دي الواحد يوزنها صح".

الجيش وهل مات عمر سليمان مقتولا ؟
ثم انتقل مبارك سريعا الى الحديث عن الجيش قائلاً: "الجيش بتاعنا بخير. فيه أبطال. ولادنا زي الفل. لما يدخلوا حرب يحاربوا بشجاعة، وعندهم أسلحة متطورة.. احنا اشتغلنا على ده كتير. جبنا لهم أحدث الأسلحة، وكان الأمريكان بيلاعبونا، وكنا نلاعبهم، لان مفيش أغلى من الجيش في مصر".

عاد المصدر وسأله: "نرجع لموضوع المجلس العسكري في أيام يناير وقبلها، فرد مبارك: "بلاش تسألني عن موقف المجلس العسكري في يناير.. بعدين ممكن نتكلم". ثم يسأله المصدر: "وما رأيك في أداء مرسي وجولاته بالخارج" ؟ ورد مبارك ضاحكاً: "أهو بيتفسح".

سأله: هل مات عمر سليمان مقتولاً ؟ في اشارة الى مدير المخابرات الراحل، فيجيب الرئيس المتنحي: "لا، لا لم يحدث. عمر كان مريضاً. كانت عنده مشكلة خطيرة في القلب.. الله يرحمه". ثم يصمت قليلا ويتابع: "أكتر حاجة بتضايقني لما يقولوا الرئيس المخلوع. من كام يوم سمعت في التليفزيون رئيس المجلس الأعلى السابق من قضايا الدولة بيقول عني "الرئيس المخلوع".. عيب، مفيش دولة في العالم كله بتقول الرئيس المخلوع. ده أنا اتنحيت حفاظاً على أرواح الناس. كنت أقدر أقعد، لكن قلت أنا امشي".

أما عن التسجيلات فقد شرح محمود مسلم، وهو مدير تحرير "الوطن" وكاتب صحافي، بأنها تمت على مراحل وطوال أيام عدة بواسطة "مصدر" وصفه لاحدى المحطات التليفزيونية المحلية أمس الثلاثاء بأنه "مقرّب" من الرئيس المتنحي ويزوره دائما، وان التسجيل الذي عرضته الصحيفة، وتنقله "العربية.نت" عنها الآن، مدته 7 دقائق فقط، لكنه 32 دقيقة في أصله الكامل.

وذكر مسلم أن "الوطن" تنشر التسجيلات بالنص كما جرت بين مبارك و"المصدر" الذي احتفظت باسمه ولم تنشره، قائلة انه اعتاد التردد على الرئيس السابق في محبسه، ونوهت بأنها اضطرت الى حذف بعض العبارات الواردة في التسجيلات "خشيه تأثيرها سلباً على الأمن القومي المصري" وفق تعبيره.


[YOUTUBE="."]

قديم 06-19-2013, 01:33 PM  
افتراضي رد: أول تسجيل لمبارك من سجنه.. يعبر عن رأيه في الأوضاع بمصر "والله أنا زعلان" و تنحيت حفاظا على الأر
#2
 
الصورة الرمزية تورابورا
تورابورا
(+ قلم محترف +)
الانتساب: 1 - 6 - 2009
الإقامة: فلسطين
المشاركات: 2,870
معدل تقييم المستوى: 11
تورابورا has a spectacular aura about
ايه الحنية دي يا بيكو.............
تورابورا غير متصل   رد مع اقتباس
قديم 06-20-2013, 11:16 AM  
Talking مبارك يكشف:أوباما اتصل بى بعد 25 يناير وطلب تسليم البلد للبرادعى ورفضت ولم أرد على 3 اتصالات منه
#3
 
الصورة الرمزية وائل قشطة
وائل قشطة
(+قلم دائم الاحتراف+)
الانتساب: 12 - 6 - 2010
الإقامة: فلسطين أرض المجد
المشاركات: 11,296
معدل تقييم المستوى: 19
وائل قشطة has a spectacular aura about


◄ الإخوان يتعاملون مع الاقتصاد بطريقة التجار.. وعندهم شك فى كل الناس
◄ مشروع قناة السويس بتاعنا وبدأناه بالفعل.. وفجأة شاهدت مرسى يحتفل به
◄ أسامة الباز عرض على أن يكتب هيكل "خطبى" فقلت له إنه يكتب رأيه
◄ إبراهيم عيسى محترم وشجاع رغم أنه كان يعارضنى.. ومرتضى منصور مدفع


قال الرئيس السابق، حسنى مبارك، معلقا على أحداث ثورة 25 يناير، التى استمرت 18 يوما"، مش فاكر اليوم بالضبط.. كانت المظاهرات مستمرة فى ميدان التحرير.. اتصل بى الرئيس الأمريكى باراك أوباما.. اتصل مرتين أو تلاتة (ثلاثة).. وبصراحة ما رضتش أرد عليه.."

وأضاف قائلا، فى تسجيلات تواصل نشرها الزميلة الوطن: "فى الآخر رديت.. فسألنى: إيه الموقف عندك الآن؟!.. وقبل أن أرد.. بادرنى أوباما: أنا رأيى تسلم البلد لمجموعة من السياسيين منهم محمد البرادعى.. فقلت له: الكلام ده أنت اللى بتقوله؟!.. فقال: نعم، فقلت له اسمع يا أوباما أنا أفهم الشعب المصرى أكثر منك وأنت تفهم الشعب الأمريكى أكثر منى، وأنا لا آخذ أوامر فيما يخص الشعب المصرى، أنا آخذ أوامرى من الشعب المصرى وحده، لو الناس عايزانى أمشى، أمشى فورا، وأنا دورى إنى أنبه الشعب لخطورة الوضع اللى هوه فيه.. وبعدها انتهى الاتصال بيننا.

الإخوان والدولة

وسأل المصدر الرئيس السابق عن رأيه فى أداء الإخوان فى الحكم، فأجاب:
شوف،كل اللى حكموا مصر يعرفوا الإخوان كويس يعنى جمال عبد الناصر وأنور السادات وأنا نعرف عنهم كل حاجة.. ده بحكم موقعنا والتقارير والمعلومات، التى كانت تصل إلينا.. علشان كده كان عبد الناصر يتعامل معهم بطريقة تحافظ على البلد، لأنهم كانوا عايزين ينقلبوا عليه أكثر من مرة.. والسادات غلط لما فتح لهم الأبواب، هوه بصراحة كان راجل عظيم وكان عاوز ينفتح على الكل.. بس هما طول عمرهم عايزين السلطة والحكم.. والمشكلة أنهم مش متعودين على العمل فى النور.. طول عمرهم بيشتغلوا فى السر.. والدولة مش ممكن تدار فى السر.. دى دولة.. ودولة كبيرة وقديمة وعندها شعب كبير ومتنوع.. وفيه تعددية لازم نحافظ عليها..هما مش فاهمين الكلام ده.. عندهم مشكلة مع العصر الحديث.. لكن إحنا بحكم موقعنا كنا عارفين أسرار لا يعرفها الشعب، علشان كده أنا بألتمس للناس العذر لما اختارتهم.. لأنهم مجربوش الناس دول قبل كده.

يصمت مبارك قليلا ويضيف، أنا بصراحة متفاجئ أنا بصراحة متفاجئ من أدائهم.. كنت فاكرهم أفضل من كده بكتير.. هما مش فاهمين مثلا فى الاقتصاد.. بيشتغلوا فيه بطريقة «التاجر».. وده غلط.. وكمان عندهم شك على طول فى كل الناس.. طيب إزاى هنشتغل ونرفع البلد ونحل الأزمات وإحنا عندنا شك فى الشعب والمعارضة!!

أنا وهيكل

◄ سيادتك.. هل تتابع التليفزيون والبرامج والصحف؟!

- طبعا.. بس الجرايد بتيجى لى ساعات وساعات لأ.. وبحاول أتابع التليفزيون والأخبار بقدر الإمكان.. وكمان بتوصلنى الأخبار لما تيجى لى زيارات بصراحة الأوضاع صعبة، ونفسى الأمور تستقر فى البلد.

◄ طيب.. هل تابعت الأستاذ محمد حسنين هيكل وما يقوله عن عهدك.. وإيه سر موقفه منك؟

- مش متابع قوى.. بس هيكل له حكاية معايا.. فأول ما توليت الحكم.. جاءنى أسامة الباز وقال لى: أيه رأيك فى هيكل يكتب خطبك السياسية؟ّ.. ففكرت قليلا وقلت له: هيكل كان بيشتغل مع عبد الناصر.. وبعد كده استبعده السادات.. والمشكلة إنه هيحط لى فى الخطبة رأيه.. ولما أغير حاجة أو متعجبنيش حاجة.. هيزعل.. اسمع يا أسامة الراجل دا كان بيكتب لعبد الناصر معقولة هيكتب لى الخطب.. لأ ميصحش.. وهربت منه كده.

ويضيف مبارك هيكل بيحط أفكاره هوه.. وعايزنى أقرأ وبس.. وأنا مش لعبة فى إيد حد.. أنا أفكر وأقول للى يكتب لى الخطبة اكتب كذا وكذا وكذا.. أنا أقول لك أنا عايز أتكلم فى كيت وكيت حتى مرة موسى صبرى كان بيكتب لى الخطبة ودا كان أول ما تعينت وقال لى موسى: لازم ندى أمل الناس: وقولت له: لا ماينفعش تضحك على الناس: الناس لازم تعرف الحقيقة: أنا مش هضحك على الناس.. على فكرة أنا أول ما تعينت كانت البلد تعبانة قوى.. بس مش بالفوضى الحالية.

ويستطرد "مبارك": دول حتى بينسبوا كله لنفسهم. دا حتى مشروع قناة السويس إحنا اللى عاملينه.. إحنا عملنا مصانع هناك وأعطينا الصين مساحات وشيدنا مبانى.. ومن كام يوم شهدت مرسى والحكومة والإخوان عاملين قصة عن المشروع دا وكأنه إنجازتهم.


وتحدث "مبارك" فى أجزاء مختلفة عن شخصيات محدودة على الساحة الآن.. فحين سئل عما يقوله دكتور مصطفى الفقى فى حلقات برنامجه عن فترة حكمه؟..أجاب: مصطفى الفقى ساب الرئاسة من زمان.. بس الواحد بيعرف الرجال فى الصعاب، مصطفى الفقى بيكتب فى الجرايد ويطلع فى التليفزيونات عشان ياخد فلوس.

واستطرد مبارك، أنا كمان بشوف إبراهيم عيسى.. الراجل ده محترم وبيقول الحق، ورغم إنه كان بيعارضنى إلا أنه بيعجبنى لأنه ما بيخافش، وحين سئل عن مرتضى منصور، علق ضاحكا: ده مدفع.. مدفع.
وائل قشطة غير متصل   رد مع اقتباس